[XX='seth6699, c: 1100121, m: 1823170'][/XX]
Answer.
1.
Nakalagay po ba sa Bible yung pakamatay ni Jesus mawawala din yung mga kautusan nya? Saan po makikita?
Sa Roma 10:4, ganito ang sabi:
Si Kristo ang
wakas ng Kautusan, para maging matuwid sa harap ng Diyos ang bawat isa na nananampalataya.
Sa English version naman, eto yung sinasabi [pkitingnan yung nasa larawan]
Hindi po kautusan ni Jesus ang nawala. Ang tinukoy po dito na Kautusan, or law, is yung Kautusang Mosaiko. Pag sinabing Kautusang Mosaiko, tumutukoy po ito sa mga utos na ibinigay kay Moises pagkatapos nilang makaalis sa Ehipto.
Ganito naman ang sinasabi ng Efeso 2:15, 16
Sa pamamagitan ng kaniyang laman, inalis niya ang alitan, ibig sabihin,
pinawalang-bisa niya ang Kautusan, na
binubuo ng mga tuntunin at batas, para ang dalawang grupo na kaisa niya ay maging isang bagong tao at magkaroon ng kapayapaan 16 at mapagsama sa iisang katawan ang dalawang bayang ito at lubusang maipagkasundo sa Diyos sa pamamagitan ng pahirapang tulos, dahil inalis niya ang alitan sa pamamagitan ng kaniyang kamatayan.
Kaya sa tekstong ito, PINAWALANG-BISA ni Jesus ang Kautusang Mosaiko, ibig sabihin, natapos na yung purpose ng Kautusang iyon, lakip na ang mga seremonya at mga pagdiriwang ng Kapistahan na isinagawa noon sa pamamagitan ng Kautusan, kasama dito ang Sabbath.
Katunayan, noong panahon ni apostol Pablo, nabahala siya dahil may ilang mga Kristiyano na sumusunod pa din sa Kautusang Mosaiko kung kaya ganito ang isinulat niya:
“May itinatangi kayong mga araw, mga buwan, mga panahon at mga taon! 11 Nangangamba akong baka nasayang lamang ang pagpapagal ko para sa inyo.” (Galacia 4:11, Magandang Balita Biblia)
Kaya, nababahala si Pablo na baka sa paanuman, ang ginawa niyang pagsisikap na turuan sila tungkol sa kautusan ng Kristo ay mapawalang-saysay dahil sa patuloy nilang pagturing ng espesyal na mga araw.
Ilan lamang ito sa mga teksto na nagpapakitang tapos na ang layunin ng Kautusan tungkol sa pagsasagawa ng Sabbath. May kinalaman naman sa mga utos na 'huwag pumatay' 'huwag magnakaw', part na ng ating pag-ibig sa Diyos at sa kapuwa ang huwag pumatay o huwag magnakaw, o gawin ang mga bagay na lumalabag sa moral.
2. Si Constantino ba ay inutusan ng Diyos na gawing linggo ang rest day?
Hindi po. Si Constantino ay isang Romanong Emperador. Hindi siya isang Kristiyano. Gayunman, ang kaniyang impluwensiya ay naging laganap mga ilang daantaon pagkamatay ni Jesus. Hanggang sa ngayon, ang kaniyang mga paniniwala ay umiimplwensiya pa din sa mga paniniwala ng karamihan sa ngayon.