Closed Dalubhasa sapag unawa sa tagalog pasok po

[Maginaku]

Sa Tabi ng Dagat
Ni Ildefonso Santos

Marahang-marahang
manaog ka, Irog, at kata‘y lalakad,
maglulunoy katang
payapang-payapa sa tabi ng dagat;
di na kailangang
sapnan pa ang paang binalat-sibuyas,
ang daliring garing
at sakong na wari‘y kinuyom na rosas!

Manunulay kata,
habang maaga pa, sa isang pilapil
na nalalatagan
ng damong may luha ng mga bituin;
patiyad na tayo
ay maghahabulang simbilis ng hangin,
ngunit walang ingay,
hanggang sa sumapit sa tiping buhangin….

Pagdating sa tubig,
mapapaurong kang parang nangingimi,
gaganyakin kita
sa nangaroroong mga lamang-lati;
doon ay may tahong,
talaba‘t halaang kabigha-bighani,
hindi kaya natin
mapuno ang buslo bago tumanghali?

Pagdadapithapon
kata‘y magbabalik sa pinanggalingan,
sugatan ang paa
at sunog ang balat sa sikat ng araw.
Talagang ganoon:
sa dagat man, Irog, ng kaligayahan,
lahat, pati puso
ay naaagnas ding marahang-marahan.



Guys baka gets nyoto anong pagsusuri nyo dito? Salamat po. Pa help napo

 

[Frustrated Burger]

Dahan dahan
Bumaba ka sinta at tayoy lalakad
Magsuswimming tayo
Kalmado o tahimik sa tabi ng dagat

Loading.....