Mind Palace
Eternal Poster
- Joined
- Sep 11, 2020
- Posts
- 1,135
- Reaction
- 327
- Points
- 310
Bakit Nga Ba Inilagay ng Diyos ang Puno ng Pagkakilala ng Mabuti at Masama sa Hardin ng Eden?
Kung hindi inilagay ng Diyos ang puno na iyon sa Eden at hinayaan ang mga tao na sundin lahat ng utos ng Diyos, paano maipakikita ng mga tao ang lubusang pagsunod sa Diyos kung ang lahat ng utos ay pabor sa kanila?
Isipin ang isang kaibigan na pinagkatiwalaan mo sa iyong bahay. Ibinigay mo sa kaniya ang lahat ng kailangan niya - matutulugan, paliguan, lutuan at makakain. Bawat pagkain sa kusina ay puwede niyang kainin. Pagkatapos ay sinabi mo sa kaniya na huwag bubuksan yung isang storage ng pagkain do'n sa kusina kasi mahalaga 'yon sa'yo. Bilang isang kaibigan, tiyak na nagtitiwala ka sa kaibigan mong iyon. Pero, paano kung sa kabila ng pagsasabi mo sa kaniya na huwag buksan iyon ay binuksan niya pa rin ang storage na iyon at kinain pa nga ang pagkain na naroon, ano kaya ang mararamdaman mo bilang isang kaibigan? Tiyak na masasaktan ka sa ginawa niya. Sa katulad na paraan, ganiyan mismo ang naramdaman ng Diyos nang suwayin nila Adan at Eva ang malinaw na utos Niya.
(Photo by Daria Shevtsova from Pexels)
Ang totoo, ang pangangalaga sa mga hayop, ang pagsasaka ng lupa, at ang pagpaparami ng tao sa lupa ay masasabing mga utos na madaling masusunod nila Adan at Eva dahil walang pagbabawal sa mga ito. Lahat ng ito ay iniutos ng Diyos ng walang pagbabawal. Pero, nang ilagay ng Diyos ang puno na ipinagbawal niya, doon ay maaari nang masubok ang pagkamasunurin ng tao sa pamamahala ng Diyos.
Mahirap bang sundin ang utos na iyon? Hindi! Bakit? Napakarami ng puno noon sa hardin ng Eden, at isa lang ang ipinagbawal ng Diyos na huwag kuhaan ng bunga. Kaya, masasabi bang nagkakait ang Diyos sa kanila? Hindi rin! Inilaan ng Diyos sa kanila ang lahat - pagkain, maiinom at matitirahan. Binigyan din sila ng kasiya-siyang mga gawain - pagsasaka, pangangalaga sa hayop, gayundin ang pagpapamilya. Kaya, nagkulang ba ang Diyos sa kanila? Hinding-hindi!
Kaya, makatuwiran lang na ilagay ng Diyos ang puno na iyon upang maipakita ng mga tao ang lubusang pagsunod sa kaniya. Oo, ang puno sa gitna ng hardin ng Eden ay kumakatawan sa karapatan ng Diyos na pamahalaan sila—karapatang magtakda ng kung ano ang mabuti at masama. Kinailangang ilagay ng Diyos ang puno na iyon upang malaman kung lubusang susunod sa kaniyang mga utos ang kaniyang mga nilalang. Ang pagsuway sa utos na iyon ay nangangahulugan na ayaw nilang pamahalaan sila ng Diyos at mas gusto nilang pamahalaan ang kanilang sarili.
Iyan ang dahilan kung bakit inilagay ng Diyos ang puno ng pagkakilala ng mabuti at masama sa gitna ng hardin ng Eden—upang malaman nila na ang may karapatang mamahala at magtakda ng mabuti at masama ay walang iba kundi ang Diyos.
Pero baka maitanong mo pa rin:
• Bakit hindi pinigilan ng Diyos si Satanas sa pagtukso kay Eva?
• Nilalang ba ng Diyos si Satanas?
• Kailan Umiral ang Kasamaan? Diyos ba ang Gumawa Nito?
• Patiuna na bang Pinlano ng Diyos na Magkasala sina Adan at Eva?
Sasagutin ang mga tanong na iyan sa susunod na mga thread.
Kung hindi inilagay ng Diyos ang puno na iyon sa Eden at hinayaan ang mga tao na sundin lahat ng utos ng Diyos, paano maipakikita ng mga tao ang lubusang pagsunod sa Diyos kung ang lahat ng utos ay pabor sa kanila?
Isipin ang isang kaibigan na pinagkatiwalaan mo sa iyong bahay. Ibinigay mo sa kaniya ang lahat ng kailangan niya - matutulugan, paliguan, lutuan at makakain. Bawat pagkain sa kusina ay puwede niyang kainin. Pagkatapos ay sinabi mo sa kaniya na huwag bubuksan yung isang storage ng pagkain do'n sa kusina kasi mahalaga 'yon sa'yo. Bilang isang kaibigan, tiyak na nagtitiwala ka sa kaibigan mong iyon. Pero, paano kung sa kabila ng pagsasabi mo sa kaniya na huwag buksan iyon ay binuksan niya pa rin ang storage na iyon at kinain pa nga ang pagkain na naroon, ano kaya ang mararamdaman mo bilang isang kaibigan? Tiyak na masasaktan ka sa ginawa niya. Sa katulad na paraan, ganiyan mismo ang naramdaman ng Diyos nang suwayin nila Adan at Eva ang malinaw na utos Niya.
(Photo by Daria Shevtsova from Pexels)
Ang totoo, ang pangangalaga sa mga hayop, ang pagsasaka ng lupa, at ang pagpaparami ng tao sa lupa ay masasabing mga utos na madaling masusunod nila Adan at Eva dahil walang pagbabawal sa mga ito. Lahat ng ito ay iniutos ng Diyos ng walang pagbabawal. Pero, nang ilagay ng Diyos ang puno na ipinagbawal niya, doon ay maaari nang masubok ang pagkamasunurin ng tao sa pamamahala ng Diyos.
Mahirap bang sundin ang utos na iyon? Hindi! Bakit? Napakarami ng puno noon sa hardin ng Eden, at isa lang ang ipinagbawal ng Diyos na huwag kuhaan ng bunga. Kaya, masasabi bang nagkakait ang Diyos sa kanila? Hindi rin! Inilaan ng Diyos sa kanila ang lahat - pagkain, maiinom at matitirahan. Binigyan din sila ng kasiya-siyang mga gawain - pagsasaka, pangangalaga sa hayop, gayundin ang pagpapamilya. Kaya, nagkulang ba ang Diyos sa kanila? Hinding-hindi!
Kaya, makatuwiran lang na ilagay ng Diyos ang puno na iyon upang maipakita ng mga tao ang lubusang pagsunod sa kaniya. Oo, ang puno sa gitna ng hardin ng Eden ay kumakatawan sa karapatan ng Diyos na pamahalaan sila—karapatang magtakda ng kung ano ang mabuti at masama. Kinailangang ilagay ng Diyos ang puno na iyon upang malaman kung lubusang susunod sa kaniyang mga utos ang kaniyang mga nilalang. Ang pagsuway sa utos na iyon ay nangangahulugan na ayaw nilang pamahalaan sila ng Diyos at mas gusto nilang pamahalaan ang kanilang sarili.
Iyan ang dahilan kung bakit inilagay ng Diyos ang puno ng pagkakilala ng mabuti at masama sa gitna ng hardin ng Eden—upang malaman nila na ang may karapatang mamahala at magtakda ng mabuti at masama ay walang iba kundi ang Diyos.
Pero baka maitanong mo pa rin:
• Bakit hindi pinigilan ng Diyos si Satanas sa pagtukso kay Eva?
• Nilalang ba ng Diyos si Satanas?
• Kailan Umiral ang Kasamaan? Diyos ba ang Gumawa Nito?
• Patiuna na bang Pinlano ng Diyos na Magkasala sina Adan at Eva?
Sasagutin ang mga tanong na iyan sa susunod na mga thread.
Attachments
-
You do not have permission to view the full content of this post. Log in or register now.