marcoramiro01
Honorary Poster
- Joined
- Aug 27, 2017
- Posts
- 612
- Reaction
- 167
- Points
- 191
Ginawa ko ang thread na ito upang iparating sa lahat ng mga kristiyano ang nais ipabatid ng mga atheists sa atin. Hindi ko sinasabing gayahin natin ang paniniwala nilang walang Diyos. Sinasabi nila na basahin at unawain nating mabuti ang Biblia. Ayon nga sa kumento ng isang atheist sa atin, "Religious people be like. Reading good Bible verses and ignoring the bad." Sasabihin nyo sa mga atheists, respeto sa paniniwala. Pero sa totoo lang, may punto naman talaga sila kung bakit dapat nating basahin at unawaing mabuti ang Biblia. Isa nga sa mga paratang nila ay "mass murderer" daw ang ating Diyos at ang great flood ay isa sa mga patunay nito kung saan pinatay ng Diyos ang lahat ng masasama dahil sa sobrang kasamaan. Pasensya na, masasabi ko ring mass murder ang ginawa ng Diyos kung talagang siya ang dahilan ng pagkakaroon ng great flood. Bakit? Dahil hindi lang naman masasama ang kanyang pinatay sa baha kundi pati mga inosenteng wala namang kasalanan. Masasabi ba nating makatarungan ang ginawa ng Diyos? Makatarungan kung masasama lang ang namatay, pero pati mga inosente nadamay. Kaya hindi natin pwedeng sabihin na makatarungan ang ginawa ng Diyos. Sinabi din sa Biblia na Siya ay lumilikha ng kasamaan. Paano tatawaging mabuting Diyos ang lumilikha ng kasamaan? Bakit tanggap nyo lang at patuloy pa ring pinaniniwalaan na magagawa ng ating Ama sa langit ang mga ito?
Sinabi ni Cristo, hindi humahatol ang Ama sa kanino mang tao (Juan 5:22), at Siya'y magandang-loob sa mga walang turing at sa masasama (Lucas 6:35). Ang pagpatay ay paghatol. Kung ayon kay Cristo hindi humahatol ang Ama sa kanino mang tao at Siya'y mabuti din sa mga hindi Siya tinururing na Diyos at sa masasama, nararapat pa bang paniwalaan na Siya ang may gawa ng pagkakaroon ng great flood na pumatay sa maraming masasama? Sinabi pa ni Cristo, ibigin ang mga kaaway, na ibigin hindi lang mga umiibig sa atin kundi pati mga walang pag-ibig sa atin, na maging mabuti hindi lang sa mga mabubuti sa atin kundi pati sa mga hindi mabubuti sa atin, na magpahiram hindi lang sa mga inaasahan nating may tatanggapin kundi pati sa mga walang-wala rin. Gawin natin ito at tayo'y magiging mga anak ng Ating Ama na nasa langit sapagkat Siya'y magandang-loob din sa mga walang turing at sa masasama (Lucas 6:32-35). Sa madaling salita tularan natin ang ating Ama sa langit na ibigin at maging mabuti rin sa masasama. Tapos sasabihin natin sa ating mga sarili, "Dapat kong tularan ang aking Ama sa langit na ibigin at maging mabuti rin sa masasama upang maipakita ko na ako'y Kanyang anak", pero naniniwala naman tayong pinatay ng Diyos ang lahat ng masasama sa great flood. E di parang niloloko lang natin ang ating mga sarili.
Kristiyano din ako. Gusto ko lang iparating sa lahat ng mga kristiyano na ang isang mabuti at mapagmahal na Diyos ay hindi magagawang pumatay, lumikha ng kasamaan, maghiganti, sumumpa, masuklam at iba pang masasamang gawain na mababasa sa Biblia. Nagising na ako sa katotohanan. Salamat kay Cristo. Kayo mga kapatid kong kristiyano? Kailan kayo magigising at tatanggapin ang katotohanang ito?
Sinabi ni Cristo, hindi humahatol ang Ama sa kanino mang tao (Juan 5:22), at Siya'y magandang-loob sa mga walang turing at sa masasama (Lucas 6:35). Ang pagpatay ay paghatol. Kung ayon kay Cristo hindi humahatol ang Ama sa kanino mang tao at Siya'y mabuti din sa mga hindi Siya tinururing na Diyos at sa masasama, nararapat pa bang paniwalaan na Siya ang may gawa ng pagkakaroon ng great flood na pumatay sa maraming masasama? Sinabi pa ni Cristo, ibigin ang mga kaaway, na ibigin hindi lang mga umiibig sa atin kundi pati mga walang pag-ibig sa atin, na maging mabuti hindi lang sa mga mabubuti sa atin kundi pati sa mga hindi mabubuti sa atin, na magpahiram hindi lang sa mga inaasahan nating may tatanggapin kundi pati sa mga walang-wala rin. Gawin natin ito at tayo'y magiging mga anak ng Ating Ama na nasa langit sapagkat Siya'y magandang-loob din sa mga walang turing at sa masasama (Lucas 6:32-35). Sa madaling salita tularan natin ang ating Ama sa langit na ibigin at maging mabuti rin sa masasama. Tapos sasabihin natin sa ating mga sarili, "Dapat kong tularan ang aking Ama sa langit na ibigin at maging mabuti rin sa masasama upang maipakita ko na ako'y Kanyang anak", pero naniniwala naman tayong pinatay ng Diyos ang lahat ng masasama sa great flood. E di parang niloloko lang natin ang ating mga sarili.
Kristiyano din ako. Gusto ko lang iparating sa lahat ng mga kristiyano na ang isang mabuti at mapagmahal na Diyos ay hindi magagawang pumatay, lumikha ng kasamaan, maghiganti, sumumpa, masuklam at iba pang masasamang gawain na mababasa sa Biblia. Nagising na ako sa katotohanan. Salamat kay Cristo. Kayo mga kapatid kong kristiyano? Kailan kayo magigising at tatanggapin ang katotohanang ito?
Last edited: