Ganon pala yon? So dahil naging maayos ang Ilocos noong martial law at "pabor" sa kanila na si Marcos ang namamahala, ibig sabihin non, okay na? Isasakripisyo mo kapakanan ng buong bansa para lang maging maginhawa buhay ng iilan? Eh kung pwede ka naman pumili ng kandidatong pangkalahatan yung gustong kaayusan?
Alam mo, maayos naman on paper ang TRAIN. Mas simple ang sistema ng pagbabayad ng buwis kumpara sa lumang tax system natin. Ang problema lang, wrong timing yung implementasyon. Kumbaga, nagmumukhang minadali para pasok sa termino ni Digong yung reform, para sa kanya ma-credit. Parang K-12 ni PNoy, na ngayon eh nagbabackfire na. Di lang yon, pati ang presyo ng langis sa world market mataas, tapos ang TRAIN magpapataw pa ng dagdag na tax sa langis edi doble doble yung minahal. Kung titignan mo rin yung demographic ng mga Pilipino, makikita mo sa 2015 census na karamihan sa mga Pinoy, wala namang binabayarang income tax. Mga labandera, magsasaka, mangingisda, etc etc. So kung ikaw, ipagpalagay nating middle class ka, siguro ikaw nagbebenepisyo ka. Nao-offset mo yung dagdag na presyo ng bilihin dahil sa income tax na binabawas sa sahod mo. Paano yung mga wala namang natatanggap na dagdag?
Problema sating mga Pinoy, ang kikitid natin mag-isip. Sarili lang natin yung gusto nating umunlad. Kahit kapalit eh kapakanan ng kapwa natin Pilipino, basta tayo maayos. Masyadong malawak at malabo yung "minsan kailangan natin magsakripisyo para sa bansa". Tama lang ba kung yung grupong pinakaagrabyado sa lipunan, sila pa yung isasakripisyo mo? Walang masama magsakripisyo para sa bayan, pero iba yung nilalagay mo talaga sa alanganin yung ibang tao para sa sariling hangarin.