Hindi ako naniniwala sa Trinity pero naniniwala ako na Dios ang Panginoon Jesucristo..
Ang concept kasi ng Trinity ayon sa libro nila ang Ama, Anak, at Espiritu ay parepareho ng kalagayan, pantay-pantay at walang pagkakaungusan..
Ang Mali, ay Sila pantay-pantay at walang pagkakaungusan.
Ang Ama ay lalong dakila kaysa sa Anak
"Narinig ninyo kung paanong sinabi ko sa inyo, Papanaw ako, at paririto ako sa inyo. Kung ako'y inyong iniibig, kayo'y mangagagalak, dahil sa ako'y pasasa Ama: sapagka't ang Ama ay lalong dakila kay sa akin."
Juan 14:28
Mas dakila ang Nagsugo kaysa Sinugo
"Katotohanan, katotohanang sinasabi ko sa inyo, Ang alipin ay hindi dakila kay sa kaniyang panginoon; ni ang sinugo man ay dakila kay sa nagsugo sa kaniya."
Juan 13:16
Ang Ama ay Dios at ang Salita o Verbo na kasama niya ay Dios na nagkatawang-Tao
"Nang pasimula siya ang Verbo, at ang Verbo ay sumasa Dios, at ang Verbo ay Dios. Ito rin nang pasimula'y sumasa Dios. Ang lahat ng mga bagay ay ginawa sa pamamagitan niya; at alin man sa lahat ng ginawa ay hindi ginawa kung wala siya....
At nagkatawang-tao ang Verbo, at tumahan sa gitna natin (at nakita namin ang kaniyang kaluwalhatian, kaluwalhatian gaya ng sa bugtong ng Ama), na puspos ng biyaya at katotohanan."
Juan 1:1-3, 14