"Pagtakbo"
Nagbibiro ba ang tadhana?
Kung sa bawat gising ko'y hanap kita
Ni hindi mawaglit itong pagsinta
Ang bawat tamis ng pagngiti ay nagmamarka
Dapat bang sundin ko ang tibok nito?
O mas pakikinggan ko ang isip kong lito?
Minsan madalas ang di inaasahang palabas
Sa mga pabigla-bigla na lang bumubulalas
Sa isip ko ikaw tila namamalagi
Di lang tumatakbo nakangiti ka pa palagi
Mahirap na yata siguro ang makalimutan ka
Lalo pa't nag-umpisa na ang isip ko na isipin ka na
Madalas apektado pati ang kain ko
Maging ang ikinikilos ay nagbabago
Wala na yatang makakagamot sa sakit na to
Ang sintomas kasi ay walang balak mag areglado
Kung titingnan mong mabuti ang sitwasyon kong ito
Hindi lang naman ikaw ang tumatakbo sa isip ko
Hindi lang basta ikaw ang madalas na gumagalaw sa katawan ko
Kundi maging ang tibok nito tila sa mundo mo lang tumatakbo
-Madpro