Poems Tinta ng akda

Saksi ang liwanag ng buwan sa madilim na gabi

Iniluwal ang damdaming matagal nang ikinukubli

Dalawang pusong pinaglayo at nasawi

Nagsanib upang ang pag-ibig ay madama muli

at itong obra ay mahabi..



Kapag ang MAKATA at MATEMATIKA ay nagsama

Ihahayag ang...





TINTA ng AKDA



Sa pag-inog ng mundo panaho'y matuling lumipas

Di namalayang nalimot na ang pluma at tinta niyang hiyas

Sa saliw ng iyong paglayo ay itinapon

Magigiliw na tatak ng kahapon.



Kahapong kaysarap balikan

Animo bituing naglipana sa kalawakan

Isang iglap mawawala ng tuluyan

Tila bulalakaw lamang na napadaan.



Ika'y nariyan lang, O giliw ngunit bakit tila kaylayo?

Ang sa aki'y dating laan mong puso sa kanya inialay ng buo

Tumingala... Nanahimik... Tinanggap.

Ikaw at Ako ay mananatili na lamang isang pangarap.



Sinukat... Tinimbang...



Detalye ng bawat kahapong sinalaysay

Natagpuan ang distansyang sa atin ay nag-uugnay

Ang milya-milyang pangarap na minsa'y itinapon

Ngayo'y abot-kamay at 'di na nanaising sa limot ay ibaon.



Lumipas ang maraming tao'y binalikan ng tadhana

Ang luha't pangungulila mistulang humalimuyak at sumigla

Heto't nariyan ka muling pinupukaw ang damdamin ng isa't isa

At ngayon, kasama ang nagtatagisang mga letra

Iluluwang muli ang matamis na makata.



Dalawang pusong tila tuldok na pinaglayo man

Pagdudugtungin ng linyang tinatawag na Pag-iibigan

Sabilog at malupit na mundong ginagalawan

Muling isusulat ng plumang pinaglipasan

Kabanata ng Bagong Pagmamahalan.


​

​

Credit to: randen09​